البوابة
قم بتسجيل الدخول للرد
Amiraمشرف عام
- عدد المساهمات : 1050
تاريخ التسجيل : 01/02/2013
اجمل قطط .. ومعلومات هامة عن القطط
الأربعاء فبراير 20, 2013 6:44 pm
تعلم لغة القطط
لغة القطط
لغة القطط هى لغة مبسطة مثل لغة الاصفار والوحايد فى الكمبيوتر
وبالنسبة للغة الاشارة المستخدمة عند القطط أوجز ما يلى :
1- فرد يد واحدة للامام ومعناها : سلام peace
2- اخراج اللسان قليلا للامام يعنى : جوعان.
3- التمطع عقب تناول الاكل مع رفع الجسم لفوق قليلا يعنى : الشبع ، هذا بخلاف التمطع عند الاستيقاظ .
4- ثنى اليدين أسفل الجسم مع الجلوس والاستقرار يعنى : الرضا وعدم وجود احتياج من أى نوع .
5- تغميض عين واحدة معناها : استفهام وتعجب.؟!
6- تغميض العينين معا معناها : الترحيب .
7- مد الانف للامام قليلا مع سحب نفس معناه : توجد رائحة مميزة.
8- عقب مد الانف فتح الفم نصف فتحة مع الاستغراب، معناه : الاشمئزاز من رائحة كريهة.
9- الدخول على موقف بالرأس معناه : التحدى.
10- الاستلقاء على الظهر وهو مستيقظ معناه الترحيب (خاصة للضيوف)
11- هز الذيل بسرعة تعنى الضيق وهز الذيل ببطىء معناه انسجام (عكس الكلب)
12- وقفة استعراض الجمال : رفع الجزء الامامى وخفض الجزء السفلى مع لف الذيل فى اتجاه الجسم (نصف دائرة).
13- ثنى الذيل بين الارجل الخلفية لاسفل دلالة الهزيمة خاصة بعد تزاوج الانثى وانهزام الذكر فى المعارك.
بالنسبة للغة الاصوات :
1- صيحة القطة الانثى بعد اتمام عملية التزاوج معناه : علامة صحية على اتمام التزاوج .
2- نونوة مع اخراج اللسان قليلا للامام يعنى : جعان.
3- للقطط الصغيرة ( نو، نو، نو، نو،..............) بطريقة متصلة معناها : عاوزة ماما .<--- ما أحبها صار لي مقالب بسببها
4- النونوة الهادئة بدلع معناها : الاستعطاف .
5- نونوة الانثى بحدة أشبه بلفظ (داوود) يعنى تريد التزاوج .
6- صوت يخرج من أسفل الحلق 3 مرات (ح ح ح ) معناها : استعداد للنزال.
7- البخ فى الخصم مع ثنى الاذنين للخلف معناه : اخافة الخصم بطريقة فجائية.
8-الزمجرة معناها : تهديد واخافة الخصم.
9- اعوجاج الرقبة مع وقوف الشعر وتقوس الظهر ليبدو أكبر حجما واستعداد النزال.
الاسئلة المتكررة عن القطة من المربين الجداد
س :- القطه كانت بتلعب وفجأه نامت فى مكانها هى كده تعبانه وهى عندها ( من شهر ونص ل 3 شهور ) ؟؟
ج :- طبيعى جدا القطه فى العمر ده تنام لانها لسه صغيره ولو عملت اقل مجهود هتنام فى مكانها ومفهوش اى ضرر دى بتجمع قواها بس
س :-القط وهو نايم او وانا بطبطب علية بيعمل صوت غريب زى الشخير هو كده فى حاجه فى زوره ؟؟
ج :- الصوت ده اسمه خرخره القطط والقط بيطلعه لما يبقى فرحان او مرتاح نفسيا
س :- القطه على طول بتخربشنى وهى بتلعب ممكن اقص ضوافرها ولا غلط ؟؟
ج :-اولا مدام بتلعب ومفيش عنف خلاص يبقى متزعقلهاش او تضربيها يبقى عى بتهزر معاكى ولكن ينفع تقص للقطط ضوافرها بقصافه عاديه او بقصافه قطط بس بيتقص السن بس مش الضفر كله عشان غلط على القطة وهيبقى اكنك بتشيلى من لحمها وهيوجعها جدا
س:- القط لو عمل حاجه غلط وانا مش عاوزه يعملها اعاقبه ازاى ؟؟
ج :- طبعا كل القطط بتغلط وبتدهول الدنيا وماينفعش نضربها الضرب مرفوض تماماااااااااا الحل انك تجيب بخاخه ميه او مسدس ميه وترشه عليه لما تعمل حاجه غلط مع شخطه خفيفه فيها وتخلى بالك من الميه تيجى فى ودنها او مجرد الشخط بس هيمشى بس حاجة بسيطة عشان لو استخدمتى العنف القط هيكون عنيف وهيتغير تماما
س :- عاوزة احمى القط احميه ازاى ؟؟
ج :- لو هتحمية لوحدك هتمسكيه من ايديه الاتنين اللى قدام وتنزلى على جسمه الميه براحه وراعى انها ماتكونش ساقعه اوى او سخنه اوى واوعى الميه تيجى فى ودنه خطر و بعدين هتغسلى جسمه بشامبو القطط واشطفه كويس بالميه واشطفله وشه بايدك ماتصبيش عليه ميه وتحت رقبته ونشفيه بالفوطة كويس اوى اوى وسيبى يتعامل مع نفسه
س :- القط بتاعى بيعطس هو كده مريض ؟؟
ج :- فى احتمالين الاول انه يبقى سليم مفهوش حاجه والعطس نتيجه لدخول اتربه فى انفه اثناء اللعب الاحتمال التانى انه يبقى مريض لو لقيتيه بينزل مخاط من انفه كتير وعينه معمصه ودايما بيعمل حمام اسهال يبقى جاله برد
وفى ملحوظه ان القط الطبيعى انفه بيبقى رطب مش مبلول ولا ناشف
س:- القط انا لسه شارياة وكل شويه يجرى يستخبى ولما حد بيشيله بيقعد يترعش ؟؟
ج :- القط خايف شويه لان دى بيئه جديده عليه ولسه ماتعودش عليها وعشان تساعديه انه مايبقاش خايف العبى معاه وهو بياكل طبطب عليه براحه وهاتيله الاكل اللى بيحبه بس تخلى بالك من اى حركه مفاجاه تعملهاله لانه بيبقى لسه متوتر ولو هو مستخبى تخت حاجة يبقى تنزلى لمستواة وتدخلى ايدك وتمشى ايدك علية من فوق راسة براحة جدا عشان يطمن
س :- القط وانا بلعب معاه لقيت فيه حشرات ايه الحل ؟؟
الحل انك تجيبله اى وسيله من وسايل القضاء على الحشرات واحسنها الريفولوشن او طوق القطط الخاص بطرد الحشرات او تحمية كويس يمكن مكنش نضيف بس وكله هيبقى تمام
س:- انا عندى قط دايما لما بخش البيت بيقعد يتمسح فى رجلى هو ممكن يكون عنده جرب او حشرات مضايقاه ؟؟
ج :- بالنسبه للذكور بتعمل كده عشان تسيب ريحتها الخاصه على صاحبتها عشان اى قط تانى يبقى عارف حدوده كويس
بالنسبه للاناث فى فتره الحيض بيبقى عندها اضطرابات فى جسمها ومحتاجه شويه حنيه ومداعبه
القطه بتاعتى فجأه بقت عماله تنونو نونوه فظيعه وصوتها وحش اوى وعماله تتلوى على الارض ومش عارفه مالها هو عندها 8 شهور ؟؟
ج :- كده القطه طالبه للزواج لانها دخلت فى مرحله الشبق الجنسى ولازم تتجوز والا هتفضل على الحال ده لمده اسبوع ل اسبوعين
القطه عماله تشد فى الالعفش بضوافرها وبوظتهولى خالص اعمل ايه ؟؟
ج :- القطه كده بتقلم ضوافرها ياما نقص ضوافرها خالص يا اما نجيبلها خشبه ونلف عليها قطعه قماش خشن ونحطها فى مكان ظاهر وهى هتقلم ضوافرها عليه
س :- القطه رجعت الصبح كتله شعر كبيره مع ان محدش عندنا بيسيب شعره فى المشط او على التسريحه او فى اى حته جه منين ده ؟؟
ج :- القط دايما بيلحس نفسه عشان التنضيف وبما انه فى شعر بيقع طبيعى القط بيبلعه وبعد فتره بيرجعه كله مره واحده ودى مفهاش اى ضرر
س :- انا جيت انزل تحت عند قريبنا ساكن جنبينا وشايله القط بهدلنى خرابيش ونونوه ليه كده ؟؟
ج :- القط بيبقى خايف من الشارع لانه اول مره يشوفه وبالتالى بيخاف من العربيات وصوتها وهاكذا ولتجنب حدوث الموضوع ده نشترى بوكس للقط عشان اقدر اتنقل بيه براحتى من غير ما يبهدلنى
حواس القط:
تمتلك القطط حواس متطورة مما جعلت منهم مفترسين جيدين , تتمتع القطط بالمراقبة حتى لو كانت تتجول او تلعب او حتى تاكل وجبة خفيفة , الحواس التالية هى اهم حواس القطط:
* السمع:
تستطيع القطط ان تكتشف ذبذبات صوت العديد من الثديات الاخرى بما فى ذلك الكلاب , ان حاسة السمع متطورة جدا لدى القطط لدرجة تجعلهم يكتشفوا جهة الضوضاء او الصوت بدون اكثر من خمسة درجات من الخطا و هذة الحاسة تجعلهم مفترسين فعاليين جدا.
* الرؤية:
حدة البصر لدى القط اكثر بعشرة اضعاف من البشر , بناء شبكية العين تتضمن (كاشف حركة) لتمكن القط من تحديد موقع الفريسة ,كما ان القطة تمتلك رؤية ليلية ممتازة تستطيع بها تعقب فريستها فى الظلام.
* حاسة الشم:
حاسة الشم هى مصدرها الرئيسى لتحديد هوية الاشياء فى بيئتها , تستطيع القطط التمييز مابين 200 مليون رائحة فحاسة الشم مهمة جدا للقط و قد تكون هذه الحاسة هى سبب السلوك المحير المقلق للقط.
* شوارب القط:
كل شارب للقط هو جهاز استقبال معقد يتيح للقط معرفة اى تغيرات فى البيئة مثل التحركات الصغيرة و تيارات الهواء او التغير فى ضغط الهواء و اتجاه الريح و درجة الحرارة . تساعد الشوارب القط السير فى الظلام وتحسس الممرات الضيقة كما يستطيع القط ان يغير من وضع شاربة حتى يتمكن من جمع اكبر معلومات عن فريستة.
* حاسة اللمس:
تستمتع القطط بان يتم لمسها من قطط اخرى و من البشر . عندما تولد القطط الصغيرة تقوم الام بلعقهم لتكشف عن ميلها . اذا كنت تريد فطتك ان تكبر و تكون من النوع الذى يحب ان يحمل و يداعب عليك ان تكثر من حملها اثناء فترة الصغر.
* حاسة الصيد او القنص:
القطط صيادون ممتازون ويحبوا مطاردة الفريسة , حتى لو كانت لعبة او حشرة .
اغلب القطط تتستمتع بحاسة الصيد حتى القطط التى تعيش بداخل المنزل تبحث عن وسائل لكى تنمى من مهارة الصيد لديها, اغلب القطط تحب مطاردة الفئران و القوارض الصغيرة و بعضهم بارع فى اصطياد الطيور و ايضا الارانب.
تفضل القطط المنزلية اللعب بفريستها على اكلها الا انهم فى بعض الاحيان ياكلوها و من ثم يوبخون لهذا التصرف . و عادة تطوف القطط باحثة عن الحشرات لارضاء غريزتها.
صلاحيات هذا المنتدى:
لاتستطيع الرد على المواضيع في هذا المنتدى